मुम्बई(एजेन्सी) । बलिउड नायिका आलिया भट्ट अहिलेको समयमा बलिउडकी कम उमेरकी चम्किली तारा हुन् । उनी कुशल अभिनेत्री मात्र होइनन्, काम प्रति उनको लगाव पनि उस्तै छ । अर्थात उनी निकै मेहनत गर्ने कलाकारमा पर्छिन् ।
केही दिन अघि मात्र उनी फिल्म ‘ब्रह्मास्त्र’को सुटिङका समयमा घाइते भएकी थिइन् । एक दृश्यको सुटिङ ताका आलियाको खुट्टामा चोट लागेको थियो । तर खुट्टामा चोट लागे पनि उनले सुटिङको कामलाई रोकेकी छैनन् । हालै मात्र सार्वजनिक तस्बिरमा आलिया कालो पहिरनमा छडीको सहाराले हिँडेकी छन् । उनको खुट्टामा चोट पनि देखिएको छ ।
यो तस्बिर सार्वजनिक हुनु अघि आलिया फिल्म ‘कलंक’मा उनको कोस्टार वरुण धवन र फिल्मको टिमका साथ पिज्जा पार्टी गरिरहेकी थिइन् । वरुणले आफ्नो इन्स्टाग्राम हेण्डलमा उक्त पार्टीको सामूहिक तस्बिर शेयर गरेका थिए ।
