काठमाडौं । नेपालको पूर्वी भागसँगै भारतको कालिम्पोङमा छायांकन गरिएको फिल्म ‘आप्पा’ आगामी वर्षको जेठ २४ गते रिलिज हुने भएको छ । भारतको कालिम्पोङका अनमोल गुरुङको ‘डेब्यु’ निर्देशन रहेको फिल्ममा अभिनेता दयाहाङ राई ‘आप्पा’ को भूमिकामा छन् । फिल्ममा अनमोलकै कथा, पटकथा र संवाद तथा संगीत छ ।
फिल्ममा दयाहाङ एक सन्तानको बुवाको भूमिकामा छन् । फिल्ममा उनीसहित तुलसी घिमिरे, अरुणा कार्की तथा नवकलाकारका रुपमा सिद्धान्तराज गुरुङ र अल्लोना काबो लेप्चाको अभिनय छ । सिनेमा आर्टसँगको सहकार्यमा अ माउन्टेन स्टोरिज प्रोडक्सनले फिल्म निर्माण गरेको हो ।
रुदेन सादा लेप्चाको लगानी रहेको फिल्ममा अनमोलसँगै उमेश उपमाको पटकथा तथा संवाद, शैलेन्द्र डि कार्कीको छायांकन, अनमोल र शैकात देवको संगीत तथा निमेष श्रेष्ठको सम्पादन छ ।
