काठमाडौं । करिब डेढ दशकदेखि सांगीतिक क्षेत्रमा सक्रिय गायक हेमन्त कान्छा रसाइलीको नयाँ गीत ‘भाग्यमानी’को भिडियो सार्वजनिक भएको छ । गीतमा हेमन्तलाई देवी घर्ती, झलक संगीतम, टेकेन्द्र बोहरा, शर्मिला बीसी, प्रतिमा विश्वकर्मा र अमृता नेपालीले साथ दिएका छन् ।
गीतमा सपना रसाइलीको शब्द र झलक संगीतमको संगीत छ । ‘मौलिक नेपाली बाजा र लोक फ्लेभरको भएकाले गीत राम्रो बनेको छ । दर्शक र स्रोताले पनि मन पराइरहेका छन्’, हेमन्तले भने ।
भिडियोमा श्रीप्रसाद थापा र रिना थापा मगरले अभिनय गरेका छन् । भिडियोमा उमेश गुरुङको निर्देशन छ । हेमन्तले २०६३ सालमा गाएको ‘काँचो सुन्तला’ बोलको गीत निकै चर्चामा आएको थियो । यसबीचमा उनले करिब दुई दर्जन गीत गाए । लोकगायनसँगै उनी कुशल सारंगीवादक पनि हुन् । उनले सात हजारभन्दा बढी गीतमा सारंगी बजाइसकेका छन् ।
