काठमाडौं । विगत लामो समयदेखि नेपाली गीत संगीतमा क्रियाशिल गायक तथा संगीतकार सूर्य दयालु ‘दुई किनार’ बोलको भिडियो लिएर दर्शकमाझ आएका छन् । दयालुको स्वर र सं्गीतमा रहेको यो गीत मंगलवार सार्वजनिक भएको हो । बासु बराइलीले लेखेको यो गीतलाई गणेश चौधरी एरेन्ज गरेका हुन् । रमणीय दृश्य कैद गरिएको गीतको भिडियोमा सारा श्रेष्ठ, र जीवन भट्टराई लाई फिचरिङ् गरिएको छ ।
जीवन शाहीको निर्देशन रहेको भिडियोलाई उत्सव दाहालले छायाँकन, निशान घिमिरेले सम्पादन गरेका हुन् । गीतको भिडियोमा रहेकी मोडल साराले आधा दर्जन भन्दा बढी म्युजिक भिडियोमा अभिनय गरेकी छन् । नेपाल बाहिर रहेर मोडलिङ गरिरहेकी उनको अभिनय शसक्त देखिएको छ यो गीतको भिडियोमा पनि । उनको र जीवनको अन स्क्रिन रोमान्सले भिडियो उत्कृष्ट बनेको देखिन्छ ।
तीन सय भन्दा बढी गीतमा स्वर तथा सङ्गीत दिएका सूर्यले थुप्रै चलचित्रका गीतमा पनि सङ्गीत दिएका छन् । नेपाली बाहेक भोजपुरी, मैथली भाषाका गीतमा उनको सङ्गीत सुन्न सकिन्छ ।
