काठमाडौं । आगामी जेठ ३ गते रिलिज हुने फिल्म ‘प्रेम दिवस’को पहिलो गीत सार्वजनिक भएको छ । नायिका प्रियंका कार्की फिचर्ड ‘तिम्रो छेउ सरुँकी म’ गीत इलामको सन्दकपुरमा छायांकन गरिएको हो । गीतमा अन्जु पन्तको स्वर र महाराज थापाको शब्द तथा संगीत छ । गीतको अन्त्यमा नायक आयुष्मान देशराज जोशीलाई पनि देख्न सकिन्छ ।
गीतमा कविराज गहतराजको कोरियोग्राफी छ । प्रेमभावपूर्ण गीतमा सुन्दर लोकेसनमा प्रियंका रमाउँदै नाँचेको देख्न सकिन्छ । निर्देशक योगेश घिमिरेको निर्देशन रहेको फिल्ममा प्रियंका र आयुषमानसँगै हेमन्त बुढाथोकी, शिवशंकर रिजाल, उत्तम केसी, सञ्जय न्यौपाने, श्रीकृष्ण लुइँटेललगायतका कलाकारहरुको अभिनय छ । फिल्मबाट विशाल खरेलले डेब्यु गरेका छन् ।
रोशन श्रेष्ठको द्वन्द्व रहेको फिल्ममा बनिष शाह मिलन श्रेष्ठको सम्पादन, मानकृष्ण महर्जनको छायांकन र सत्यम राना अचुत बजगाईको भिएफएक्स छ । रमेश चौधरी र उत्सव ढकाल सह–निर्माता रहेको फिल्म सञ्जय न्यौपानेको लगानी छ ।
