काठमाडौं । आगामी चैत १५ गते रिलिज मिति तोकिएको फिल्म ‘शुभ लभ’को शीर्ष गीत सार्वजनिक भएको छ । युवा ज्योतिष हरिहर अधिकारी र नायिका क्रिस्टिन पौडेलको डेब्यू अभिनय रहेको फिल्मको गीत बुधबार पत्रकारमाझ सार्वजनिक गरियो ।
गीतमा अर्जुन पोखरेलको शब्द तथा संगीत, निशान भट्टराईको स्वर छ । गीतमा निशानलाई मिना निरौलाले साथ दिएकी छन् ।
गीतमा हरिहरले क्रिस्टिनालाई फकाउँदै गरेको देखाइएको छ । गीतमा रामजी लामिछानेको कोरियोग्राफी छ । प्रदिपकुमार उदय प्रस्तुतकर्ता रहेको फिल्ममा सन्तोष बाबु लोहनीको निर्देशन र धर्मराज शर्मा सुवेदी निर्माता छन् ।
