झुमा झुमामा रोमान्टिक प्रमोद

काठमाडौं । गायक प्रमोद खरेलको ‘झुमा झुमा’ बोलको नयाँ गीत सार्वजनिक भएको छ । गीतमा गायक खरेलको साथमा अभिनेता पल शाह, टिक टक क्विनबाट चिनिएका जुम्ल्याहा दिदिबहिनी प्रिन्सी र प्रिज्मा खतिवडाको अभिनय रहेको छ । गीतमा हिमांसु रायमाझीको शब्द र भीम बिसीको संगीत छ ।

कलाकार तथा निर्देशक दीपक आचार्यको निर्देशन रहेको भिडियोमा शुभम् भुजेलको कोरियोग्राफी, सुप्रिम पराजुलीको सम्पादन तथा अर्जुन तिवारीको छायांकन छ । गायक प्रमोदले आफ्नो अघिल्लो गीत ‘झुमा’ सँग अहिलेको गीतको सम्बन्ध नरहेको बताए ।