काठमाडौं । आगामी भदौ १३ लाई आफ्नो प्रदर्शन मिति तोकेको फिल्म ‘मारुनी’को फस्टलुक सार्वजनिक भएको छ । नवल नेपालले निर्देशन गरेको फिल्मको २ वटा पोष्टर फिल्म युनिटले सार्वजनिक गरेको हो ।
पूनम इन्टरटेन्मेन्टको ब्यानरमा निर्माण भएको फिल्मलाई पूनम गौतमले निर्माण गरेकी हुन् । फिल्मको फस्टलुकमा मुख्य कलाकारद्धय नायिका साम्राज्ञी राज्यलक्ष्मी शाह र नायक पुष्प खड्कालाई देखाइएको छ । टौवा क्रियशनले पोष्टर तयार पारेको हो ।
फिल्म मारुनीको कथावस्तुको बिषयमा अहिलेसम्म यसको निर्माणपक्षले केही पनि बोलेको छैन । तर, फिल्मको फस्टलुक हेर्दा यो फिल्मले प्रेमको कथा बोल्ने वुझ्न सकिन्छ ।
फिल्ममा नायिका रेविका गुरुङको पनि मुख्य भूमिका छ ।
फिल्ममा राजु प्रधान, मिना क्षेत्री र दर्शना केसीको सह–लगानी छ । यो फिल्मलाई संजय लामाले खिचेका हुन् । फिल्मको फस्टुलक सार्वजनिक भएसँगै यसलाई लिएर दर्शकमा कौतुहलता बढ्ने विश्वास निर्माता पूनमको छ ।
