काठमाडौं । गायक सुमनकुमार श्रेष्ठको एकल गीति एल्बम ‘बिहानी ४’ को अडियो तथा भिडियो सार्वजनिक भएको छ । विन्धवाशिनी म्युजिक र बिन्दु हार्डवेयरको संयुक्त आयोजनामा काठमाडौँको नयाँवानेश्वरस्थित इन्द्रणी ब्याक्वेटको हलमा आयोजित कार्यक्रमकाबीच विमोचन गरिएको हो ।
गीतकार दिनेश अधिकारीको शब्द एवम् संगीतकार दीपक जंगमको संगीत रहेको जिस्काउथे म, उनी दंग पर्थिन बोलको गीतमा सुमनकुमार श्रेष्ठको एकल स्वर रहेको छ । दिनेश डिसीको निर्देशन रहेको उक्त गीतको भिडियोमा गायक श्रेष्ठसहित केकीअधिकारी, महेश खड्का, दिनेश डिसी, विनोद परियार, अनुरोध अधिकारीलगायतको अभिनय रहेको छ ।
कार्यक्रममा गायक श्रेष्ठकी आमा सावित्रीदेवी श्रेष्ठ, संगीतकार दीपक जंगम, गीतकार दिनेश अधिकारी र गायक श्रेष्ठले एकैसाथ संयुक्त रुपमा एल्बमको विमोचन गरेका थिए ।
ब्याकअप ब्याण्डको बाद्यवादनमा एकल प्रस्तुति दिएका सुमनकुमारले आफ्ना लोकप्रिय गीतहरु टोपी लाए पनि हुन्छ, यो मन, खाएको कसमको लाज राख्नु है, मुटु चोरी लाने मायालगायतका आधा गीत प्रस्तुत गरेका थिए । कार्यक्रममा गीतकार राजेन्द्र थापाले श्रेष्ठको वबयोग्राफी भिडियो सार्वजनिक गरेका थिए।
