काठमाडौं । अभिनेता प्रदीप खड्काको अभिनय रहने फिल्म ‘प्रेम गीत ३’को ओभरसिज राइट ९५ लाखमा विक्री भएको छ । अघिल्ला दुई संस्करणमा प्रदीप नै प्रमुख भूमिकामा अभिनय रहेको यो फिल्मको तेस्रो संस्करणको लागि निर्माण पक्षले गीत रेकर्डिङ देखि लोकसन हन्टिङ समेत सकिएको छ ।
निर्माता सन्तोष सेन र निर्देशक छेतेन गुरुङको संयुक्त निर्देशन रहने फिल्म सेनको ३४ औं जन्मोत्सबको अवसरमा राजधानीमा आयोजित कार्यक्रममा दाताज इभेन्ट मेनेजमेन्टले विदेश राइट किनेको हो ।
यो फिल्मलाई बिदेशका लागि दाताराम घिमिरेले ९५ लाखमा किनेका छन् । आयुसेन फिल्मस् र दाताज् इभेन्ट म्यानेजमेन्टबीच सम्झौता आदन प्रदान समारोहमा यो फिल्मका अभिनेता प्रदीप खड्काले पनि यसपटक प्रेम गीत ३ मा आफुले ढुक्कले राम्रो काम गर्न पाउने बताउँदै निर्माता सन्तोष सेनलाई जन्मदिनको शुभकामना दिए ।
दातारामले ढुक्कसँग आफुहरुले ९५ लाख रुपैयाँ तिरेर यसको बिदेश रिलिज राईट किनेको बताएका छन् । आफ्नो फिल्म विदेश राईट ९५ लाखमा बिक्री भएकोमा निर्माता सन्तोष सेनले आफुहरुलाई अब फिल्म निर्माणमा कुनै समस्या नभएको बताएका छन् ।
कार्यक्रममा विभिन्न सिनेकर्मी, सञ्चारकर्मी देखि आफन्तसम्मले सन्तोषलाई जन्मदिनको शुभकामना दिए । असोजमा छायांकनमा जाने ‘प्रेमगीत–३’ मा शिव श्रेष्ठ, सुनिल थापा, प्रदीप खडका, कृष्टिना गुरुङ, सन्तोष सेन, पुष्कर कार्की, प्रेम पुरी, क्रिजन गौतम, अनुभव रेग्मी, समृद्धी शाही ठकुरी, माओत्से गुरुङ, लक्ष्मी बर्देवा लगाएतका कलाकारहरुको अभिनय रहनेछ ।
