काठमाडौं । निर्देशक दिनेशराज शर्माको निर्देशन रहेको फिल्म ‘निल काँडा’ को झापाको विर्तामोडबाट छायांकन सुरु गरिएको छ । मौसम फिल्मस् प्रालिको ब्यानरमा निर्माण भई रहेको फिल्ममा सरोज खनाल, अर्जुन गुरुङ, रिस्ता बस्नेत, नवनायक दिपक तिवारी, नवनायिका तेजश्वनी बास्कोटा, उमा बेबी, विक्रान्त गिरि, श्याम चौधरी, याम खरेललगायत कलाकारको अभिनय रहेको छ ।
फिल्ममा तेजश्वनी बास्कोटाको कथा, दिनेशराज शर्माको पटकथा र संवाद छ । फिल्मा निर्देशक लक्ष्मीनाथ शर्मा प्राविधिक सल्लाहकार छन् । फिल्ममा विकास चौधरीको संगीत, विनोद सापकोटाको छायांकन छ ।
फिल्म आउदो मङ्सिर १५ गतेदेखि प्रदर्शनमा आउने गरि ३० दिनको सुटिङ सेडुल रहेको चलचित्रको अधिकांश छायांकन पुर्बको रमणीय स्थलमा गरिने फिल्मको निर्माता मुना पौडेलले बताइन् ।
