काठमाडौं । आगामी असोज १० गते रिलिज हुने फिल्म ‘रातो टिका निधारमा’को शीर्ष गीत सार्वजनिक भएको छ । राजधानीमा शुक्रबार एक कार्यक्रमबीच फिल्म युनिटले गीत सार्वजनिक गरेको हो ।
झन्डै २२ वर्ष अघि फिल्म ‘अल्लारे’मा समावेश यो गीतलाई अहिले रिएरेन्ज गरी नयाँ भर्सनमा ल्याइएको हो । यसको ओरिजिनिल गीतमा राजेश हमाल र करिश्मा मानन्धर नाचेका थिए भने रि एरेन्ज भर्सनमा अंकित शर्मा र साम्राज्ञी राज्यलक्ष्मी शाह फिचर्ड छन् ।
शम्भुजित बाँस्कोटाको संगीत रहेको गीतलाई प्रमोद खरेल र मेलिना राईले गाएका छन् । यसको ओर्जिनल भर्सनमा उमेश पाण्डे र रमना श्रेष्ठको स्वर थियो । शहदेव ढुंगानाले शब्द सिर्जना गरेको गीतमा बसन्त श्रेष्ठको कोरियोग्राफी छ ।
गीतमा रविन्द्र झा, नीता ढुंगाना, खुस्बु खड्का, बुद्दि तामाङ, बसुन्धरा भुषाल, शिवहरि पौडेल, जयनन्द लामा, लक्ष्मी गिरी, अरुणा कार्की, राजराम पौडेल, कमला रेग्मीलगायत पनि छन् । ए.ए ग्रुप अफ कम्पनीजबाट निर्माण भएको फिल्ममा किरण शर्मा र कृति शर्माको लगानी छ । अशोक शर्माको निर्देशन रहेको फिल्ममा शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन, राजेश शाहको भिएफएक्स छ ।
