काठमाडौं । अभिनेता गजित विष्ट रावण बनेका छन् । रचनकार मनिष वशिष्टको शब्दमा रहेको रावण स्तुतिगानमा उनी रावण बनेका हुन् । काठमाडौंमा एक कार्यक्रम गरी रावण गीत सार्वजनिक गरिएको हो ।सार्वजनिक गीतमा मनिष वशिष्ठ र सजन न्यौपानको आवाज तथा संगीत सुन्न सकिन्छ ।
‘रावण मा धार्मिकग्रन्थमा उल्लेख भएअनुसार लंकाका राजा रावणको तारिफ गर्दै गीत तयार पारिएको छ । रावणलाई आम जनमानसमा नकारात्मक पक्षको मात्रै जानकारी दिइएको कारण उनीलाई नकारात्मक दृष्टिले हेर्ने गरिन्छ । तर यस गीतमा रावण भित्रका सकारात्मक पक्षको चित्रण गीतमा गरिएको छ ।
गीतको मर्म अनुसार तयार भिडियोलाई गम्भीर बिष्टको निर्देशनमा तयार पारिएको हो । नवराज उप्रेतीको सिनेमेटोग्राफी, नविन निरौलाको सम्पादन तथा उप्रेतीकै छायांकनमा तयार भिडियोमा कलाकार गजित बिष्टको अभिनय रहेको छ ।
