काठमाडौं । भोजपुरी फिल्मका स्टार दिनेशलाल निरहुआ र नेपाली नायिका निता ढुंगानाले अभिनय गरेको भोजपुरी फिल्म ‘शेर ए हिन्दुस्तान’को गीत ‘प्रेम पियाला’ यतिबेला सामाजिक सन्जालमा भाइरल भइरहेको छ । यो गीतले अहिले युट्युबमा धमाल नै मच्चाइरहेको छ । यो फिल्मका सबै गीतलाई दर्शकले मनपराएका छन् । तर सबैभन्दा बढी चाहिँ ‘प्रेम पियाला’लाई नै रुचाइएको छ ।
गीतमा दिनेश र नीताको रोमान्टिक क्यामेष्ट्री हेर्न लायक छ । दुवैजना गीतमा निकै सुन्दर देखिएका छन् । भिडियोमा देखाइएको गीतमा नेपालका विभिन्न स्थानलाई हेर्न पाइन्छ । यो गीत यतिबेला युट्युबमा तिब्रताका साथ भाइरल भइरहेको छ । गीतमा मधुकर आनन्दको संगीत छ । यसै फिल्ममार्फत निताले भोजपुरी फिल्ममा डेब्यू गरेकी हुन् ।
हालसम्म यो गीतलाई १६ लाख भन्दा बढी पटक हेरिसकिएको छ । यो फिल्म सन् २०१९ मा रिलिज भएको थियो । निरहुआको यो एक्सन फिल्मले भोजपुरी बक्स अफिसलाई मात्र हल्लाएन, यसको गीतले पनि दर्शकलाई उत्तिकै दिवाना बनाइदियो ।
