काठमाडौं । शिवहरी पौडेलको डेब्यू निर्देशन रहेको फिल्म ‘लक्का जवान’ को दोस्रो गीत ‘मुसुक्कै हाँसन माया’ बोलको गीत सार्वजनिक भएको छ । गीतमा बाबुल गिरीको शब्द तथा संगीत तथा जुना रिजाल काफ्ले र बाबुल स्वयंको गायन छ ।
कविराज गहतराजको कोरियोग्राफी रहेको गीत दीलिप रायमाझी, प्रियंका कार्की, सलोन बस्नेत र वर्षा सिवाकोटी फिचर्ड छन् । चैत २१ गतेबाट प्रदर्शनमा आउने फिल्ममा किरण केसी, शिवहरी पौडेल, राजाराम पौडेल, सुशील पोखरेल, सरोज खनाल, अञ्जु महर्जन, अनुसुयषा श्रेष्ठ, सुरेन्द्र केसी, जयनन्द लामा, सविता गुरुङलगायतका कलाकारहरुको पनि अभिनय रहेको छ । ध्रुव दत्त र अनुसुयषा श्रेष्ठको प्रस्तुती रहेको फिल्मको कार्यकारी निर्मातामा किरण केसी, दीलिप रायमाझी र शिवहरि पौडेल छन् ।
फिल्मका सह–निर्मातामा सुशील अर्याल, राजाराम पौडेल, राज केसी, सुरेन्द्र केसी, दीपेन्द्र खनियालगायत छन् । ‘आमा बंगलामुखी फिल्म प्रोडक्सन’ को ब्यानरमा बनेको फिल्ममा हास्यकलाकार मदनकृष्ण श्रेष्ठ अथिती भूमिकामा छन् । फिल्मको कथा, पटकथा तथा संवाद शिवहरीको हो ।
