काठमाडौं । फिल्म ‘शीरफूल’का निर्देशक कमल एकचै मगरले नयाँ फिल्म ‘डेसान’ निर्देशन गर्ने भएका छन् । यो फिल्मबाट मोडल निशान चौहान अभिनेताका रुपमा डेब्यू गर्दैछन् । निशान ‘म्यानहन्ट नेपाल २०१६’ का मिष्टर पर्सनालिटी तथा ‘टप मोडल नेपाल २०१८’ का विजेता हुन् ।
फिल्ममा उनीसँगै नम्रता सापकोटा, पुनम थापा, भोलाराज सापकोटा, कविता आले, नुरुङ राई, आरुष जंग सारु, मलाइका बस्नेतको अभिनय रहनेछ ।
परफर्मिङ आर्ट क्रिएसनको व्यानरमा निर्माण हुने फिल्ममा चक्र महर्जनको छायांकन, मिलन श्रेष्ठको सम्पादन, विनोद खत्रीको प्रोडक्सन डिजाइन, अर्चना काउचाको ड्रेस डिजाइन, रबिना बुढाथोकीको हेयर, राज थापाको कथा र हरि लम्सालको संगीत रहनेछ ।
