काठमाडौं । फिल्म ‘बोबी’ बाट अभिनेत्रीको रुपमा डेब्यू गरेकी कविता गुरुङले निर्माण तथा सञ्चालन गरेको टेलिभिजन शो ‘विस फर अ डे विथ डल्लु’ को पहिलो भाग सार्वजनिक भएको छ । सामाजिक सञ्जाल यु ट्युब मार्फत सार्वजनिक शोमा एकजना व्यक्तिको एक दिनको इच्छा, आकांक्षा, सपना र खुशीको कथा समेटिएको छ ।
डल्लु इन्टरटेन्टमेन्टले निर्माण गरेको शोमा रामकुमार केसीको छायांकन र ध्रुवराज पराजुली प्रज्जवलितको सम्पादन छ । कार्यक्रमको छायांकन र पोस्ट प्रोडक्सन वेब टिभीमा गरिएको हो ।
अभिनेत्री कविताको कन्सेप्ट र प्रस्तुतिकरण रहेको शो डल्लु इन्टरटेन्टमेन्टको अफिसियल च्यानल मार्फत सार्वजनिक गरिएको छ । उक्त शो को केहि दिन पहिले प्रेस भेटघाट गर्दै ट्रेलर सार्वजनिक गरिएको थियो । ट्रेलरलाइ दर्शकले राम्रो प्रतिक्रिया दिएका थिए । कार्यक्रमलाइ पनि दर्शकले माया गर्नेमा निर्माण टिम बिस्वस्त रहेको छ ।
