काठमाडौं । हेयरस्टाइलिष्ट निल डेभिड कटवाल भारतको प्रतिष्ठित ग्लोवल एजुकेसन लिडर्स फोरम इन्डियाको नेपाल संयोजकमा नियुक्त भएका छन् । नेपाल र भारतका विभिन्न सहरमा आफ्नो सलून तथा एकेडेमीलाई विस्तार गरिरहेका निललाई उक्त संस्थाले नेपाल संयोजकमा नियुक्त गरेको हो ।
निलले आफूलाई संस्थाका अध्यक्ष एसके सिंहले संस्थाको नेपाल संयोजकमा नियुक्त गरेको खबर दिएको बताए । ‘यो मेरा लागि सँगै देशका लागि सम्मानको कुरा हो । यसले मलाई अझ जिम्मेवार भएर काम गर्न प्रोत्साहन दिएको छ’, उनले भने ।
ग्लोवल एजुकेसन लिडर्स फोरम इन्डिया विश्व्यापी शैक्षिक संस्था ग्लोबल इडु लिडर्सको एउटा अंग हो ।
