काठमाडौं । कोरोना भाइरसको महामारीका कारण मुलुकमा लकडाउन भएपछि मानिसहरु घरमै बसिरहेका छन् । यही मेसोमा संगीतकर्मीहरुले मानिसहरुलाई घरमै बस्न आग्रह गर्दै जनचेतनामूलक गीतहरु संगीत बजारमा ल्याइरहेका छन् ।
यही क्रममा शिवप्रसाद देवकोटाको शब्द, संगीत र स्वर रहेको ‘घरभित्र हामी छौं’ बोलको गीतको भिडियो श्रोता तथा दर्शकमाझ ल्याएका छन् । गीतमा नरेन्द्र वियोगीको एरेन्ज छ ।
भिडियोमा महेश तिमल्सिना, आरसी देवकोटा र गायक देवकोटा फिचर्ड छन् । महेश तिमल्सिनाकै निर्देशन रहेको भिडियोमा राज पोखरेलको छायांकन, टेकेन्द्र शाहको सम्पादन छ ।
भिडियोको पोस्ट प्रोडक्सन लाइमलाइट नेपालमा भएको हो । भिडियो शिव देवकोटा अफिसियल युट्युब च्यानलबाट सार्वजनिक गरिएको हो ।
