काठमाडौं । गायक तथा संगीतकार सुवर्णकुमार श्रेष्ठको नयाँ गजल ‘नमाग मसँग माया’को भिडियो सार्वजनिक भएको छ । बुढासुब्बा डिजिटलबाट सार्वजनिक गजलमा सुवर्णकै शब्द छ ।
भिडियोमा गायिका, मोडल तथा सञ्चालकर्मी सरिता भारतीसँगै अभिनेता रमेश चन्द सोडारी र भूपेन्द्रकुमार खड्का फिचर्ड छन् । भिडियोमा सरिता अभिनेता रमेशकी प्रेमिकाको भूमिकामा छिन् । यी दुईको प्रेममा बाधक बनेर भूपेन्द्र प्रस्तुत भएका छन् । अतिथि भूमिकामा मेकअप आर्टिस्ट बन्दना मग्रान्ती पनि प्रस्तुत भएकी छिन् । भिडियोको मेकअप बन्दनाले गरेकी हुन् ।
भिडियोमा गीतकार तथा पत्रकार डब्बुु क्षत्रीको निर्देशन छ । निर्देशक क्षेत्रीले आफ्नी श्रीमती तथा प्रेमिकालाई सानो कुरामा शँका गर्दा घरनै बर्बाद हुने र सम्बन्ध बिग्रने कथा प्रस्तुत गरिएको बताए । भिडियोमा मोहनिस श्रेष्ठको छायांकन र डब्बु क्षेत्रीकै सम्पादन रहेको छ । भिडियोमा कलाकारहरुको पहिरन काजल क्रियसनकी फेशन डिजाइनर काजल शर्माले तयार गरेकी हुन् ।
