काठमाडौं । कोरना कहरले सार्वजनिक रुपमा तीज मनाउन नसकिने अवस्था छ । तर पनि घरमै गीत संगीत सुनेर मनोरंजन होस् भनेर कलाकारहरुले तीजका विभिन्न गीत संगीत सार्वजनिक गरिरहेका छन् । यही क्रममा गीतकार तथा संगीतकार मनोज सिग्देल ‘युरेश’ले तीज गीत ‘लकडाउनको तीज’ सार्वजनिक गरेका छन् ।
गीतमा विनय कार्की र कविता श्रेष्ठको स्वर छ । गीतमा गायक विनयकै संगीत संयोजन छ । स्टुडियो भर्सनमा निर्माण गरिएको भिडियोमा विनय कार्की र कविता श्रेष्ठ पिÞmचर्ड छन् । भिडियोमा जनकराज अधिकारीको छायांकन र प्रेम शर्मा पौडेलको सम्पादन रहेको छ ।
२०६५ सालदेखि निरन्तर संगीत क्षेत्रमा संघर्ष गर्दै अघि बढिरहेका गीतकार सिग्देलले हाल सम्म ८ वटा गीत सार्वजनिक गरिसकेका छन् ।
