काठमाडौं । पछिल्लो समय टिकटकलगायत सामाजिक सञ्जालमा राम्रो छाप पारिरहेको ‘हेर यो मुटुमा’ गीतको भिडियो सार्वजनिक भएको छ । बादल थापाको शब्द, लय र स्वरमा सजिएको गीतमा मोडल तथा ¥यापर जिबी चिरन (चिरञ्जीवी सापकोटा) र रोशनी कार्की फिचर्ड छन् ।
भिडियोमा कलाकार प्रेम पुरी र राज थापा क्षेत्रीको पनि अभिनय छ । आहा टिभी युट्युब च्यानलबाट सोमबार दिउँसो सार्वजनिक भएको गीतले केही समयभित्रै राम्रो प्रतिक्रिया पाएको छ ।
सिर्जन बरालले निर्देशन गरेको म्युजिक भिडियोमा ज्ञानेन्द्र शर्मा हुमागाईँको छायांकन र दिनसन शाहको सम्पादन छ ।
