मुम्बई(एजेन्सी) । बलिउड फिल्म निर्माता तथा निर्देशक महेश भट्टको आउन लागेको फिल्म ‘सडक २’ रिलिज अघि नै चर्चामा छ । फिल्ममा सञ्जय दत्त, आलिया भट्ट, आदित्य रोय कपूरजस्ता कलाकारले प्रमुख भूमिकामा अभिनय गरेका छन् । सन् १९९१ मा रिलिज फिल्म ‘सडक’को सिक्वेल ‘सडक २’ हो । यही फिल्मबाट लामो समयपछि महेश निर्देशनमा फर्किएका छन् ।
सायदै त महेश र आलियाले सहकार्य गरेको यो पहिलो अवसर हो । गत बुधबार फिल्मको ट्रेलर रिलिज भएपछि युट्युबमा ट्रेलरले सर्वाधिक डिस्लाइक पाएको छ । ट्रेलरमा ६ लाख भन्दा बढी डिसलाइक छ ।
यो फिल्मको ट्रेलर त्यो समयमा सार्वजनिक भयो, जुन समयमा बलिउडमा नेपोजिमका विषयमा गरमागरम बहस भइरहेको थियो । अभिनेता सुशान्त सिंह राजपुतको निधनपछि सुशान्तलाई कैयौं प्रोडक्सन हाउसले प्रतिबन्ध लगाएको चर्चा चलेको थियो । युट्युबमा सबैभन्दा बढी डिसलाइक आएपनि ‘सडक २’को ट्रेलर ट्रेन्डिङको सातौं नम्बरमा छ । यो ट्रेलरका बारे कैयौं मिम्स पनि बनेका छन् ।
