काठमाडौं । १६ वर्ष अघि इराकमा १२ नेपालीको बीभत्स हत्या गरिएको सत्य घटनालाई आधार बनाएर गायक रिजन गिरीले नयाँ गीत ’दशैं’ सार्वजनिक गरेका छन् । गीतमा गायक रिजन र उनकी आमा गंगा गिरीको शब्द, संगीत र स्वर रहेको छ । गीतमा सम्पुर्ण ताम्राकारको संगीत संयोजन छ ।
गीतमा खुशी र सुखी हुने सपना देखेर परदेशिएका नेपालीहरुको भावना सुन्न सकिन्छ । भिडियोमा कलाकार लक्ष्मी गिरी, कुशेन्द्रपुरुष ढकाल, रिजन गिरी र एलिजा न्यौपाने गिरी फिचर्ड छन् ।
सृजन प्रजापतिको छायांकन रहेको भिडियोमा निश्चलजंग कार्कीको सम्पादन, रिजन गिरीको परिकल्पना र कथा रहेको तथा अनिल न्यौपानेको निर्देशन छ । गीत गायक गिरीकै युट्युव च्यानल रिजन गिरीमार्फत भिडियो सार्वजनिक भएको हो ।
