मुम्बई(एजेन्सी) । भारतीय युवा टिकटकर र सामाजिक सन्जालकाका प्रेरक प्रतीक खत्रीको गत मंगलबार सडक दुर्घटनामा निधन भएको छ । उनी सामाजिक सन्जालमा एक परिचित नाम हुन् । यो घटना उत्तर प्रदेशको सहारनपूरमा भएको हो । उनको कार एक ट्रकसँग ठोक्किएको थियो । ट्रकसँग कार ठोक्किएपछि उनको घटनास्थलमै मृत्यु भएको थियो ।
प्रतीकको सामाजिक सन्जालमा राम्रो फ्यान फलोइङ थियो । उनको इन्स्टाग्राममा ४३ हजार फलोअर्स थिए । उनको निधन प्रति कैयौं सामाजिक सन्जाल प्रयोगकर्ताले दुःख व्यक्त गरेका छन् । प्रख्यात टिकटकर र कैयौं भिडियोमा अभिनय गरिसकेकी आशिका भाटियाले प्रतीकसँगको एक तस्बिर पोस्ट गर्दै ‘विश्वास गर्नै मुस्किल छ । रेस्ट इन पिस’ लेखेकी छन् ।
टीम नवाबका आमिर सिद्दीकीले आफ्नो इन्स्टाग्राममा ‘रेस्ट इन पीस बन्टाई’ लेखेका छन् । सन् २०१८ को डिसेम्बरमा भारतका प्रख्यात सामाजिक सञ्जाल स्टार दानिश जेहेनको निधन पनि सडक दुर्घटनामा नै भएको थियो । उनी लोकप्रिय युट्युबरमध्ये एक थियो । उनले एमटीबीको शो ‘एस अफ स्पेस’मा पनि सहभागिता जनाएका थिए ।
