काठमाडौं । गायक स्वरुपराज आचार्य र गायिका मिलन नेवारको स्वर रहेको ‘चोरी सुटुक्क मन’को भिडियो सार्वजनिक भएको छ । सार्वजनिक भिडियोमा गम्भीर विस्ट र ऋचा थापा फिचर्ड छन् ।
सुगम संगीतमा आधारित यस गीतलाई संगीतकार शम्भुजित बास्कोटाले संगीतबद्ध गरेका छन् । गीतमा गोपाल प्याकुरेलको शब्द र मनोहर सुनामको एरेन्ज छ ।
प्रेम सम्बन्धमा आउने उतारचढावलाई म्युजिक भिडियोमा प्रस्तुत गरिएको छ । सुबोल थापाले कोरियोग्राफी गरेको यस भिडियोमा लुज सिंहको छायांकन छ । भिडियोमा सुनिल थापाको सम्पादन रहेको छ । मिना भट्टराई उत्पादक रहेको यस भिडियोमा गजित विस्टको निर्देशन छ ।
