काठमाडौं । गायिका रचना रिमालको स्वर रहेको ‘तिमीलाई देखेपछि’ गीतको म्युजिक भिडियो सार्वजनिक भएको छ । गीतमा निरायु गौतमको शब्द तथा स्वर रहेको छ भने संगीत ओम सुनारले दिएका हुन् । गीतमा एरेन्ज ओम सुनारको नै रहेको छ ।
भिडियोमा अभिनेता गणेश गिरि, निरायु गौतम र जाबे रिया केसी फिचर्ड छन् । उनीहरुसँगै भिडियोमा सुशान्त श्रेष्ठ, अस्मिन घिमिरे र निसु आइडुको पनि अभिनय रहेको छ ।
गणेश गिरिको निर्देशन रहेको भिडियो चितवनको सौराहा, नारायणघाटलगायतको ठाउमा छायांकन गरिएको हो । निर्देशक गिरीले यस अघि ‘पंचायत’, ‘कोपिला’लगायतका फिल्म निर्माण गरिसकेका छन् भने ‘बर्बाद’, ‘आगो २’, ‘पंचायत’, ‘कोपिला’लगायतका फिल्ममा अभिनय गरेका छन् । गिरीले यसै भिडियो मार्फत म्युजिक भिडियो निर्देशनमा हात हालेका हुन् ।
सौरभ लामाको छायांकन रहेको भिडियोमा गौतम राज खड्काको सम्पादन छ । भिडियोको पोस्ट प्रोडक्सन मोसन पोस्ट स्टुडियोमा गरिएको हो ।
