काठमाडौं । गायक प्रविन वेडवाल र नवगायिका रंगिला बटालाको स्वरमा रहेको ‘थोरै खुशी’ बोलको म्युजिक भिडियो सार्वजनिक भएको छ ।
जीवन दर्शनको भाव बोकेको यस गीतमा अमेरिकामा बस्दै आएका गीतकार गोपाल लोहारको शब्द र वसन्त सापकोटाको संगीत छ । गीतमा विशम आचार्यको संगीत संयोजन छ ।
भिडियोमा कुलदिप अधिकारी, कविता न्यौपाने र समृद्धि निरौला फिचर्ड छन् । श्याम तामाङको छायांकन रहेको भिडियोमा विकास दाहालको सम्पादन छ । भीमा लोहार उत्पादक रहेको भिडियोमा काजी लिम्बु र श्याम लामाको निर्देशन छ । गोलो प्रोडक्सनको आधिकारिक च्यानलमार्फत भिडियो सार्वजनिक भएको हो ।
