काठमाडौं । नेपाली निर्देशक अनुप थापाको लेखन तथा निर्देशन रहेको बलिउड फिल्म ‘ये मर्द बिचरा’ को ट्रेलर सार्वजनिक भएको छ । फिल्म नोभेम्बर १९ देखि भारतसहित अन्य केही देशमा रिलिज हुँदैछ ।
आफ्नो निर्देशनमा रहेको बलिउड फिल्मलाई लिएर उत्साहित रहेको निर्देशक थापा बताउछन् । फिल्मले पुरुष पात्रको समस्यालाई रमाइलो शैलीमा देखाउन खोजेको छ ।
कमेडी शैलीको फिल्ममा वीरज राव, मनुकृति पह्वा, मनिक्क चौधरी, सिमा पह्वा, व्रिजेन्द्र कलालगायतका कलाकारहरुको अभिनय छ । शिवम अग्रवाल निर्माता रहेको फिल्ममा शकिल ए खानको छायांकन, सुन्दर पठुरीको सम्पादन, गौरवको भीएफएक्स, मजोजको कलर, गीताञ्जली भारतीको कस्ट्युम डिजाइन छ ।
फिल्मलाई टुइडिएट म्युजिकले बजारमा ल्याउदै छ ।
