काठमाडौं । कुमार कट्टेल ‘जिग्री’को स्वरमा रहेको ‘मायाले जीवन सजाऊँ’को भिडियो सार्वजनिक भएको छ । गीतमा कुमारलाई गायिका अस्मिता अधिकारीले साथ दिएकी छछन् ।
गीतमा अर्जुन पोखरेलको शब्द र संगीत छ । गीतको भिडियोमा सीताराम कट्टेल ‘धुर्मुस’ र कुञ्जना घिमिरे ‘सुन्तली’ फिचर्ड छन् । धुर्मुस सुन्तलीको १४ औँ वैवाहिक वर्षगाँठको अवसर पारेर गीत सार्वजनिक गरिएको हो । दाजुभाउजुको वैवाहिक वर्षगाँठलाई थप विशेष बनाउन पनि आफ्नो स्वरमा रहेको गीत सुम्पिएको जिग्रीले बताए ।
रामजी लामिछानेको कोरियोग्राफी तथा निर्देशन रहेको गीतमा धुर्मुस सुन्तलीलाई वैवाहिक वर्षगाँठ मनाउन व्यस्त प्रेमिल दम्पतीको रुपमा प्रस्तुत गरिएको छ ।
भिडियोमा राजेन्द्र मोक्तानको रंग संयोजन तथा बन्दे प्रसादको सम्पादन छ । भिडियो धुर्मुस सुन्तली युट्युव च्यानलबाट सार्वजनिक गरिएको छ ।
