काठमाडौं । आगामी वैशाख २३ गतेबाट सार्वजनिक प्रदर्शनमा आउने फिल्म ‘लक्का जवान’को ट्रेलर सार्वजनिक भएको छ । कलाकार शिवहरी पौडेलको डेब्यू निर्देशन रहेको फिल्मको ट्रेलरमा कमेडी र अधबैसे पुस्ता र तन्नेरी पुस्ताको कथालाई देखाइएको छ ।
फिल्ममा मदनकृष्ण श्रेष्ठ, किरण केसी, सरोज खनाल, सुशील पोखरेल, शिवहरी पौडेल, दीलिप रायमाझी, प्रियंका कार्की, सलोन बस्नेत, वर्षा सिवाकोटी, सुरेन्द्र केसी, जयनन्द लामा, अन्सुया श्रेष्ठ, अन्जु महर्जन, नरेन्द्र कंशाकार, देशभक्त खनाल लगायतको अभिनय छ । फिल्मको कथा, पटकथा तथा संवाद निर्देशक पौडेलकै हो ।
अन्सुया श्रेष्ठ निर्माता रहेको फिल्मको कार्यकारी निर्मातामा किरण केसी, शिवहरी पौडेल र दीलिप रायमाझी छन् । त्यस्तै, सह–निर्मातामा सुशील अर्याल, डेजी अर्याल, राजाराम पौडेल, राज केसी, सुरेन्द्र केसी र दीपेन्द्र खनियाँ रहेका छन् । पुरुषोत्तम प्रधान छाँयाकार रहेको फिल्ममा मित्र डी गुरुङको सम्पादन छ । गीतका कोरियोग्राफर कविराज गहतराज हुन् ।
यसअघि निर्देशक शिवहरीले चर्चित टेलिफिल्म ‘जिरे खुर्सानी’ र ‘ब्रेकफेल’को निर्देशन गरिसकेका छन् ।
