काठमाडौं । गायक यज्ञ विक र गायिका अस्मिता अधिकारीको स्वरमा रहेको गीत ‘बैश दिन नमिल्ने सापटी’को भिडियो सार्वजनिक भएको छ । गीतमा नेत्र अर्यालको शब्द तथा यज्ञकै संगीत छ ।
भिडियोमा सागर लम्साल ‘बले’ र यमुना रिसाल फिचर्ड छन् । उनीहरु थारु पोशाकमा सजिएका छन् । सागरले आफू थारु समुदायसँग नजिक भए पनि अहिलेसम्म थारु पोशाक लगाउने अवसर नपाइरहँदा यो गीतले त्यो अवसर पुरा गरिदिएको बताए ।
भिडियोको मेकिङ कन्सेप्ट भने कोरियोग्राफर तथा निर्देशक काजिश श्रेष्ठको हो । चितवनका विभिन्न ठाउँमा पुगेर मौलिक पन दिन खोजिएको काजिशको भनाई छ । सुनिल परियारले संगीतको एरेन्ज गरेका छन् । भिडियो राजेश घिमिरेको छायांकन र दीपक विष्टको सम्पादन छ ।
