काठमाडौं । समाजसेवी तथा उद्योगपती गायक विकाश राणाको स्वरमा रहेको नयाँ गीत ‘शैलुङको चिसो चिसो बतास’ को भिडियो सार्वजनिक गरिएको छ । गीतमा शशीविक्रम थापा र गणेश चौलागाईंको शब्द तथा संगीत रहेको छ । मेलोडियस गीतमा संगीत संयोजन शशीविक्रम थापाको रहेको छ । गीतमा शैलुङको सुन्दर प्रकृतिसँगै सुन्दर युवतीको वर्णन गरिएको छ ।
नितिन चन्दको निर्देशनमा बनेको भिडियोमा अभिनेता राजेश हमाल र अभिनेत्री वर्षा शिवाकोटीको अभिनय रहेको छ । सियोन श्रेष्ठको कोरियोग्राफी रहेको भिडियोको छायाँकन मनोज सुवेदीले गरेका छन् ।
सौखिन तिमल्सिनाले सम्पादन गरेको भिडियो विकाश राणाको आफ्नै च्यानल मार्फत सार्वजनिक गरिएको छ । भिडियोमा राजेश हमाल र वर्षा शिवाकोटीको जोडी सुहाएको छ।
