काठमाडौँ । लेखक तथा निर्देशक पुरु रंकासु राईको सर्ट फिल्म ‘ओ यम जी’ युट्युब मा रिलिज भएको छ । बुद्धि तामाङ र सुदिपजंग कार्कीको अभिनय रहेको सर्ट फिल्मले राजनीतिक नेताहरुलाई झटारो प्रहार गरेको छ ।
किरण राईको छायांकन र सम्पादन रहेको फिल्ममा अनिश श्रेष्ठको ब्याकग्राउण्ड म्युजिक रहेको छ । उत्तमचन्द्र राईको निर्माणमा बनेको फिल्म ओएसआर डिजिटलको अफिसियल च्यानलमार्फत सार्वजनिक गरिएको हो ।
लामो समयदेखि युके बस्दै आएका पुरुले यसअघि सट फिल्म र केही म्युजिक भिडियोको निर्देशन गरिसकेका छन् । उनी आफ्नै लेखन तथा निर्देशनमा फिचर फिल्म निर्माणको तयारीमा छन् ।
