काठमाडौँ। लामो समय देखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा अभिनेता प्रदीप खड्का फाइनल भएका छन्। गत बर्ष प्रदर्शनमा आएको फिल्म ‘अन्तिम संस्कार’का निर्देशक प्रदीपको नयाँ फिल्मको नाम सार्वजनिक गरिएको छैन ।
शाइ प्रोडक्सन नेपालको ब्यानरमा निर्माण हुने फिल्ममा ह्याम्साएर एकाउन्टेनको सहकार्य रहने छ। अभिनेता प्रदीपको जन्मदिनको अवसर पारेर शनिवार निर्माण टिम र खड्का बिच सम्झौता भएको हो।
फिल्मको कथा निर्देशक शाहीले नै लेखेका हुन्। साइ–फाई जोम्बी थ्रिलर जनरामा निर्माण हुने फिल्मको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री ‘क्षितिज’ ले बताए । फिल्ममा मिथिकल इलेमेन्टहरु पनि रहेको निर्देशक शाहीले जानकारी दिए।
प्रदीप शाहीको निर्देशनमा बनेको पहिलो फिल्म ‘गोर्खाः बिनिथ द ब्रेभरी’ ले अमाजोन प्राइममा राम्रो दर्शक पाउन सफल बनेको थियो।
