काठमाडौ । आगामी साउन २५ गते रिलिज हुने फिल्म ‘कहिँ कतै’को तीन अफिसियल फष्टलुक सार्वजनिक भएको छ । पोस्टरमा नायक दिलीप रायमाझीको साथमा नवकलाकारद्वय सिवानी गिरी र सोनम बरफुङ्गपाले फिचरिङ गरेका छन् । त्यस्तै एक फष्टलुकमा नायक किशोर खतिवडा र नायिका तथा निर्मात्री उमा ‘बेबी’ गिरीलाई देखाइएको छ ।
सिवानी र सोनमले यहि फिल्मबाट नेपाली फिल्ममा डेब्यू गरेका हुन् । सिक्किम स्थायी घर भएकी नवनायिका गिरी मिस भारत र मिस हिमालयनको फस्र्ट रनरअप हुन् ।
शिव ढकाल र बाबु श्रेष्ठको छायांकन रहेको फिल्ममा अर्जुन जिसीको सम्पादन, रोशन श्रेष्ठको द्वन्द्व, सचिन सिंह र लक्की सिटौलाको संगीत छ । सबिर श्रेष्ठको लेखन तथा निर्देशन रहेको फिल्मलाई काठमाडौ उपत्यकामा रिच इन्टरटेन्मेन्ट र उपत्यका बाहिर एफडी कम्पनीले वितरण गर्दैछन् भने डिजिटल वितरण हाईलाईट्स नेपालले गरेको छ ।
