काठमाडौं । छायांकनरत फिल्म ‘मेरी मामु’को दुई फष्टलुक सार्वजनिक भएको छ । सन्तोष सेनको निर्माणमा यम थापाले निर्देशन गरिरहेको फिल्म आगामी भदौ १५ गते रिलिज हुँदैछ ।
आसुसेन फिल्मसको चौथो प्रोजेक्टका रुपमा रहेको यो फिल्मको फष्टलुकमा फिल्मका प्रमुख कलाकार आयुब सेनलाई प्रस्तुत गरिएको छ । ६ वर्षे आयुब सन्तोषका छोरा हुन् ।
फस्टलुकमा उनी निकै संकट र संघर्षमा रहेको भाव आउँछ । आमा र छोराको सम्बन्ध बोकेको कथा प्रस्तुत गरिने फिल्ममा अश्लेषा ठकुरी, सारुक ताम्राकार, नवनायिका कुसुम गुरुङ र दुर्गा मल्लको अभिनय छ । यमको लेखन रहेको फिल्ममा पुरुषोत्तम प्रधानको छायांकन छ ।
