काठमाडौ । नायिका वर्षा शिवाकोटी पछिल्लो फिल्म ‘कारखाना’ पछि दर्शकमाझ आएकी छैनन् । आगामी शुक्रबारबाट रिलिज हुने फिल्म ‘भैरे’मार्फत वर्षदिन पछि दर्शकमाझ आउँदैछिन् ।
फिल्मप्रति वर्षा निकै आशावादी छिन् । ‘भैरे नेपालीपन बोकेको फिल्म हो । दर्शकले मनोरञ्जनसँगै केही सिक्ने अवसर पनि पाउनुहुनेछ । फिल्ममा मेरो भूमिका पनि फरक छ,’वर्षा भन्छिन्,‘भैरेले मलाई भर्सटायल बनाउनेछ । फिल्ममा रोमान्स, प्रेम, द्वन्द्व, इमोसन सबै छ ।’
एभरेष्ट सूर्य बोहरा निर्देशित फिल्ममा प्रेमप्रसाद पौडेल र देवीमाया अधिकारीको लगानी छ । करुणाकर घिमिरे, सविता गुरुङ, यम बराल, सिन्धु पौडेल र कुमार बस्नेत सहनिर्माता रहेको फिल्ममा दयाहाङ राई, सुरक्षा पन्त, वर्षा सिवाकोटी, बुद्धि तामाङ, विक्रान्त बस्नेत, सुनिल थापा, अनुभव रेग्मी, कञ्चन ठकुरी, अंकित पौडेल, सयाहाङ राई, जान्वी बोहरा, जयनन्द लामा, सुरविर पण्डित, अर्जुन गुरुङ लगायतका कलाकारहरुको अभिनय छ ।
