मुम्बई(एजेन्सी) । बलिउडका ‘मिस्टर परफेक्शनिस्ट’ आमिर खान हालका दिनमा फिल्म ‘ठग्स अफ हिन्दुस्तान’को सुटिङमा व्यस्त छन् । फिल्ममा आमिर र बलिउडका ‘महानायक’ अमिताभ बच्चनको जोडी देखिँदैछन् । दिवालीमा रिलिज हुने यो फिल्म दर्शकका लागि आमिरको विशेष उपहार हुनेछ ।
यो फिल्म पछि आमिर एक चर्चित हलिउड फिल्मको रिमेकमा संलग्न हुनेछन् । हलिउड फिल्मको निर्माण पैरामाउण्ट पिक्चर्सको व्यानरमा बन्ने फिल्मको हाल नाम सार्वजनिक गरिएको छैन ।
केही दिन अघि मात्र आमिर करण जोहार निर्देशित बायोपिक फिल्म ‘ओशो’मा आचार्य रजनीश ओशोको भूमिकामा देखिने समाचार सार्वजनिक भएको थियो । समाचार अनुसार आमिर यतिबेला फिल्मको स्क्रिप्ट पढिरहेका छन् ।
