काठमाडौं । मुलुकमा बलात्कारसँगै महिला हिंसाजन्य गतिविधि बढिरहेको बेला यस्तै कथामा नयाँ फिल्म ‘मदहोस’ निर्माण हुने भएको छ । मुभी मेकर्सको ब्यानरमा सुरज प्रधान प्रस्तुतकर्ता रहने फिल्मको गीत रेकर्डिङ गरिएको छ । एसके अधिकारीको शब्द रहेको ‘सुन ए गगन रुक जा पवन’ बोलको गीतमा बाबुल गिरि तथा सन्तोष प्रगाढको संगीत र नित्या शिवा,बाबुल गिरि तथा सन्तोष प्रगाढकै स्वर छ ।
गीतकार अधिकारीकै लेखन तथा निर्देशन रहने फिल्मले शिक्षित बेरोजगार युवाहरुको उत्पीडन,सामाजिक संजालमा देखिएका युवायुवति बीचको समस्याको ज्वलन्त घटनालाई पनि समेट्नेछ ।
फिल्ममा सिर्जना बस्नेत, दिपेन्द्र कोइराला, कसिश दाहाल, राजु पौडेल, सलिना खड्का र प्रियंका अधिकारीको अभिनय रहनेछ । फिल्ममा विक्रम कार्कीको छायांकन र राजन महर्जनको कोरियोग्राफी रहने छ ।
