काठमाडौं । नायिका तथा मोडल मरिष्का पोखरेलले निर्देशन गरेको नयाँ म्युजिक भिडियो ‘त्यो सपना’ सार्वजनिक भएको छ । अष्ट्रेलियामा बसेर नेपाली सांगीतिक क्षेत्रमा सक्रिय गायक सञ्जिब पराजुलीको स्वर रहेको गीतमा होमनाथ न्यौपानेको शब्द, दीपक भट्टराईको संगीत र सन्जिब बराइलीको एरेन्ज छ ।
भिडियोमा नायक आकाश खड्का र भिडियोकी निर्देशक मरिष्काले फिचरिङ गरेका छन् । यो गीत गायक सन्जिब, गीतकार होमनाथ र संगीतकार दीपकको राजधानीमा केही महिना अघि सार्वजनिक संयुक्त एल्बम ‘त्यो सपना’को शीर्ष गीत हो ।
भिडियोमा उत्सव दाहालको छायांकन र निशान घिमिरेको सम्पादन छ । सन्जिबका ‘नाईं मलाई थाहा छैन’, ‘एउटा कुरा भनू–तिमी मलाई मन पर्छ’, ‘पहिलो भेटैमा’लगायतका गीत चर्चामा छन् ।
