काठमाडौं । पत्रकार ऋषि धमला प्रस्तुतकर्ता रहेको फिल्म ‘अनुराग’को नयाँ गीत ‘तिम्रो स्वरमा’ सार्वजनिक भएको छ । आगामी असोज १२ गतेबाट प्रदर्शनमा आउने फिल्मको गीतमा नवनायक समुन्द्र पण्डितलाई देख्न सकिन्छ ।
गीतमा गायक प्रताप दासको स्वर छ । सत्यराज चौलागाईको शब्द रहेको गीतमा सरोज पोखरेलको संगीत छ । गीतमा समुन्द्र एक बारमा आफ्नो प्रस्तुति दिइरहेका छन् । फिल्ममा धमला पत्नी एलिजा गौतमको लगानी र अभिनय छ ।
सत्यराज चौलागाई निर्देशित फिल्ममा ठिलेंन लामा, सरोज खनाल, रुपा राना, राजाराम पौडेल, शिशिर राना, मोहन निरौला, विश्व बस्नेतलगायतका कलाकारहरुको पनि अभिनय छ ।
