काठमाडौं । आगामी शुक्रबारबाट प्रदर्शनमा आउन लागेको फिल्म ‘निर्जला’ले फिल्म सेन्सर बोर्डबाट पीजि सर्टिफिकेट प्राप्त गरेको छ । राजु गिरीको निर्देशनमा बनेको यो फिल्म हेर्न १६ वर्ष मुनिका बालबालिका अभिभावकका साथ हल जानुपर्नेछ ।
फिल्ममा किशोर खतिवडा, शुभेच्छा थापा, निम शर्मा, श्याम राई, पल्पसा डंगोल, रश्मी भट्ट, राजकुमार थापा, राजेन्द्र गिरी, भीम खनाल, बाले तामाङ, अन्जली घिसिङ प्रेम पौडेल, बाल कलाकार सागर गिरी लगायतको अभिनय रहेको छ । फिल्म लभ, कमेडी र एक्सन मिक्स गरि बनाइएको छ ।
प्रकाशचन्द्र न्यौपाने प्रस्तुतकर्ता रहेको फिल्ममा शुभेच्छा थापाको कथा, रवि कोइरालाको छायांकन, अशोक खड्काको द्वन्द्व, कमल राई, क्रान्ति केसीको नृत्य निर्देशक, तारा थापा किम्भेको सम्पादन रहेको छ ।
