काठमाडौं । गीतकार मनिष बशिस्ठले दर्शकका लागि फरक किसिमको सर्ट फिल्म ‘मेरो साथी काल’ लिएर आएका छन् । ‘पखेटा’ र ‘मुखौटा’ जस्ता फरक शैलीको गीत लेखनपछि रंगकर्मी लक्ष्मी बर्देवासँगको सहकार्यमा मनिषले ‘काल मेरो साथी’ ल्याएका हुन् । यसमा रंगकर्मी जीवन भट्टराई र दिपेन्द्र शाहीको अभिनय छ ।
फिल्ममा ऋदम कँडेलको ब्याकग्राउण्ड स्कोर, ज्ञानेन्द्र शर्माको छायांकन, रुपेश खड्काको सम्पादन र निकेश खड्काको निर्देशन छ । म्युजिक भिडियो निर्देशन हुदै फिल्म समेत निर्देशन गरिसकेका निकेशले यसलाई पृथकशैलीमा निर्माण गरेको बताएका छन् । यसमा कालसँगको भेटलाई देखिएको छ ।
असन्तुष्ट कविले जीवनको उतराद्धमा भएपनि काललाई भेटेर रचना गर्ने कविता र काल प्रतिको मानसिकतालाई भिडियोमा विम्बको रुपमा चित्रण गरिएको छ । निकेश सर्ट फिल्म मार्फत निकै आशावादी छन् । फिल्मलाई एमबी क्रिएसनको युट्युब च्यानलबाट सार्वजनिक गरिएको हो ।
