मुम्बई(एजेन्सी) । नोबेल पुरस्कार विजेता मलाला यूसुफजईले बलिउड सुपरस्टार शाहरुख खानको फिल्म ‘जीरो’ हेरेपछि उनको अभिनयको फ्यान बनेकी छन् । फिल्ममा शाहरुख एक पुड्का कलाकारको भूमिकामा छन् । आनन्द एल राय निर्देशित फिल्ममा कटरीना कैफ र अनुष्का शर्माको पनि अभिनय छ ।
मलालाले शुक्रबार फिल्म हेरेपछि सामाजिक सञ्जालमा एक भिडियो सन्देश पठाएकी छन् । ‘हेल्लो शाहरुख खान, तपाईको फिल्म हेर्ने अनुभव राम्रो रह्यो । यो धेरै मनोरञ्जक थियो र मेरो पूरा परिवारले फिल्म मनपराएका छन्’, उनले भनेकी छन् ।
मलालाले शाहरुखसँग धेरै अगाडि पनि भेट्न खोजेकी थिइन् । उनलाई मलालाले अक्सफोर्ड युनिवर्सिटीमा लेक्चर दिनका लागि आमन्त्रण पनि गरेकी छन् ।
