काठमाडौं । नवीन निरौलाको लेखन र निर्देशनमा बनेको फिल्म ‘फिंगर प्रिन्ट’को पहिलो गीत ‘चाहिँदैन चाहिँदैन’ सार्वजनिक भएको छ । आरआर फिल्मस्ले वितरण गर्ने फिल्म फागुन १० गते रिलिज हुँदैछ ।
मेडिकल साइन्सको विषयमा आधारित रहेर निर्माण गरिएको फिल्मको गीतमा दीपक लिम्बुको स्वर, दयाराम पाण्डेको शब्द र अर्जुन पोखरेलको संगीत छ । फिल्ममा निर्माता अनिल श्रेष्ठ (रोमन)को लगानी छ । कविराज गहतराजले कोरियोग्राफी गरेको गीतको भिडियोमा राज क्षितिज र आयुष्मा कार्की फिचर्ड छन् ।
फिल्ममा आयुष्मा र राजका साथमा दीपक त्रिपाठी, सरिता लामीछाने, रमेश बुढाथोकी, आनन्द पुन, शंकर आचार्य, अनुरुप पोखरेल, जेसिका भुसाललगायतका कलाकारले अभिनय गरेका छन् । सुमन तण्डुकार र राहुल राईको छायांकन छ ।
