काठमाडौं । चैत्र २९ गतेलाई रिलिज मिति तोक्दै फिल्म ‘ए मेरो हजुर ३’को टिजर सार्वजनिक भएको छ । टिजरमा फिल्मका प्रमुख दुई कलाकार अनमोल केसी र डेब्यु गर्ल सुहाना थापा फिचर्ड छन् । सुहाना फिल्मकी निर्देशक झरना थापाकी छोरी हुन् ।
टिजरमा नवनायिका सुहानालाई निकै सुन्दर र खुलेको देखिएको छ । उनलाई झट्ट हेर्दा आमा झरनाजस्तै पनि देखिन्छ । फिल्मले सांगीतिक प्रेमकथा बोल्छ ।
सुनिलकुमार थापाले निर्माण गरेको फिल्ममा सलोन बस्नेत, अर्पण थापा, रबिन्द्र झालगायतका कलाकारहरुको पनि अभिनय छ । निर्देशक थापा र सुमन पौडेलको कथा रहेको फिल्ममा सञ्जय लामाको छायांकन र रोशन श्रेष्ठको द्वन्द्व निर्देशन छ । फिल्ममा नायक अनमोल गायकको भुमिकामा छन् ।
