काठमाडौं । गायिका सुशिला पाठकले जन्मदिनको अवसर पारेर नयाँ गीत ‘यो केटीले मुस्काएर देशैखाने भई’को भिडियो सार्वजनिक गरेकी छन् । राजधानीमा हालै एक कार्यक्रमका बीच संगीतकार शिलाबहादुर मोक्तान, राजु सिंह, गीतकार शान्तिप्रियलगायतले भिडियो सार्वजनिक गरे ।
गीतमा शान्तिप्रियको गीत, दीपक शर्माको संगीत र उदयराज पौडेलको संगीत संयोजन छ । सचिन थापाले निर्देशन गरेको भिडियोमा गायिका सुशिलालाई अभिनयमा बिशाल थापा र समिक्षा पोखरेलले साथ दिएका छन् । सचिनकै छायांकन रहेको भिडियोलाई सिलन लम्सालले सम्पादन गरेका हुन् ।
सुशिलाका यसअघि तीन भिडियो र एउटा एल्बम आईसकेका छन् । एक दर्जनभन्दा बढि फुटकर गीत बिभिन्न एल्बममा गाईसकेकी छिन् ।
