काठमाडौं । गायिका यशोदा खालिङ राईले गायक जगदिश समालसँग सहकार्य गर्दै ‘मायामा’ बोलको गीतको भिडियो सार्वजनिक गरेकी छन् । आसुतोष राईको शब्द तथा संगीत रहेको यो गीत यशोदाको एल्बम ‘यशोदा २’मा समाविष्ट छ ।
अमेरिकामा हुने प्रायः कार्यक्रममा प्रस्तुती दिने र नेपालबाट जाने कलाकारलाई साथ सहयोग गर्न अग्रसर यशोदाको गीतलाई दिनेश न्यौपानेले एरेञ्ज गरेका हुन् । गीतको भिडियोमा जाङ्बु शेर्पा र कमला राईले फिचरिङ गरेका छन् । भिडियोलाई शम्भु मोक्तानले खिचेका हुन् भने निशान घिमिरेले सम्पादन गरेका हुन् । भिडियो अमेरिका स्थित न्युयोर्कका बिभिन्न स्थानमा छायांकन गरिको छ ।
झन्डै एक दसक देखी अमेरिकामा रहेर निरन्तर नेपाली गित संगीतमा सकृय यशोदाका ‘यशोदा’ र ‘यशोदा–२’ एल्बम सार्वजनिक छन । गायिका यशोदा नृत्य र अभिनय बिधामा पनि सकृय छिन् ।
