काठमाडौं । बलिउड अभिनेत्री सन्नी लियोनीले नृत्य गरेको नेपाली फिल्म ‘पासवर्ड’ को पहिलो गीत ‘मेरो नाम सनी’ सार्वजनिक भएको छ । गीतमा अर्जुन पोखरेलको संगीत, गायिका दुर्गा खरेलको स्वर र विक्रम जोशीको शब्द छ ।
गीतमा सन्नीलाई दुई सयभन्दा बढी डान्सरले साथ दिएका छन् । गीतको कोरियोग्राफी विष्णु देभाले गरेका छन् । उनी बलिउडका कोरियोग्राफर हुन् । गीतमा सन्नीसँग फिल्मका अभिनेता बिक्रम जोशी (विक्की) ले पनि नृत्य गरेका छन् । अभिनेता अनुप विक्रम शाही र कलाकार बुद्धि तामाङलाई पनि गीतमा देख्न सकिन्छ । फिल्ममा सम्राट बस्नेतको निर्देशन छ ।
फिल्म एबी इन्टरनेशनलको ब्यानरमा बनेको फिल्ममा अभिनेता अनुप विक्रम शाही नेगेटिभ रोलमा छन् । हिरल जोशी र अमित बस्नेतले निर्माण गरेको फिल्म्मा अंकित गौतम कार्यकारी निर्माता छन् । फिल्ममा रविन्द्र झा, प्रविण खतिवडा, लिशा सुनारलगायतको अभिनय छ । फिल्म भाद्र २७ गतेबाट देशभर प्रदर्शनमा आउँदैछ ।
